AZAL hakkında yorum

EA

Elnur Abbasov yazdı:

Azal şirkəti yalandan xidmətdən dəm vurur, ancaq yük çamadanlarını vəhşi kimi tullayıb sındırırlar; sonra da şikayət edəndə müxtəlif bəhanələrlə məsuliyyətdən yayınmağa çalışırlar, vətəndaşın malına, mülkünə ziyan vururlar, buna cavabdehlikdən isə yayınırlar. 24.01.2026-cı il axşam saat 19:00-da Ankaraya uçan təyyarə ilə oğlumu yola saldım; Ankaraya çatanda yük çamadanını götürəndə gördüm ki, çamadanın təkərlərini Azalın əməkdaşları sındırıblar. Azalın rəsmi saytına, e-mail ünvanına yazmışam; dedilər çamadanın şəklini və baqaj nömrəsi olan kağızı çəkib e-mailə, şikayətin arxasına qeyd edərək göndər. Mən də dedikləri kimi etdim; bu gün də e-mail ünvanıma yazıblar ki, hansısa PİR sənədi də olmalıdır. Sındırdıqları çamadanı kompensasiya etməmək üçün vətəndaşı bezdirməklə məşğuldurlar; qısacası, vətəndaş yorulsun, şikayətindən vaz keçsin — budur Azalın əməkdaşlarının məqsədi. Sonra da "xidmətlərimiz" deyə öyünürlər; 1 kq artıq yük olan kimi dərhal 23 kq-ın pulunu alırlar, 140 manat. Ancaq məsuliyyətlərini dərk etmirlər, sərnişinin çamadanını sındırırlar. Azal rəhbərliyi buna biganə yanaşır.